KLC-KS

Promovimi i serisë së dytë

admin — Tue, 12 Jul 2011 16:25:38 +0000

Qendra Juridike e Kosovës më 21 korrik 2011 promovon serinë e dytë të botimeve ligjore nga projekti i binjakëzimit ” Reforma e Sistemit të Arsimit Ligjor”.

Qendra Juridike e Kosovës në këtë promovim prezanton:

Nga seria e Buletineve të Gjykatave:

1. Buletinin e Gjykatave të Qarkut vëllimi I
2. Buletinin e Gjykatës Supreme në gjuhën serbe

Nga seria LexLegis – Ligjet e aplikueshme në Kosovë:

1. E drejta e Punës
2. Legjislacioni për Rendin dhe Sigurinë

Nga seria Themis – Hyrje në Interpetimin e ligjeve

1. Hyrje në të drejtën e tregut të brendshëm të Bashkimit Evropian – Jeton Bytyqi
2. Hyrje në organizatat ndërkombëtare – Besfort Rrecaj
3. Hyrje në të drejtën penale – Afrim Shala

Reforma e sistemit të arsimimit ligjor

admin — Mon, 30 Aug 2010 09:38:56 +0000

Qendra Juridike e Kosovës (KLC) mbështetur nga projekti i BE-së për binjakëzim “Reforma e sistemit të arsimimit ligjor” do të prezentoj një sërë botimesh të reja për komunitetin ligjor të Kosovës. Këto publikime ligjore janë një mundësi shtesë e burimeve juridike duke ofruar një shërbim gjithpërfshirës komunitetit ligjor.

Ato përfshijne publikimin e Përmbledhjën e ligjeve të aplikueshme të quajtura “Lex Legix”, Buletini i Vendimeve të Gjykatës Supreme të Kosoves dhe Gjykatës së Qarkut dhe Librave të fushave të ndryshme të së drejtës të botuara në formë te broshuarave ligjore “Hyrje në …” te quajtura “Themis”.

Prezentimi do të mbahet më 29 mars 2011 në ora 11:00 në Qendrën e Bashkimit Evropian për Informim dhe Kulturë, Prishtinë.

Komunikatë për Media

admin — Sat, 20 Mar 2010 21:22:39 +0000

Qendra Juridike e Kosovës (QJK), promovoi “Përmbledhjen e Legjislacionit Pronësor në Kosovë”. Realizimi i këtij projekt u mundësua me ndihmën e OSBE-s Misioni në Kosovë. Në këtë promovim morën pjesë përfaqësues të institucioneve të Kosovës dhe ekspertë të drejtës pronësore ku u diskuta për rëndësinë e këtij publikimi.

Adelinë Sokoli, Drejtoreshë ekzekutive e Qendrës Juridike të Kosovës tha se kjo përmbledhje është një rikthim i vogël por shumë i rëndësishëm, drejt procesit tonë për të zhvilluar publikime ligjore bashkëkohore. Më pas ajo shtoi se qëllimi i kësaj përmbledhje është t’ju sigurojë profesionistëve ligjorë, gjyqtarëve dhe prokurorëve, ndihmë në kryerjen e detyrave përkatëse.

Ndërsa Katarina Grbesa shefe e seksionit për prona në OSBE, shprehu mirenjohje për punën e QJK-së dhe premtoi që edhe në të ardhmën do të bashkëpunojnë në kë ë fushë. Për rëndësinë e këtij publikimi folën edhe gjyqtarja e Gjykatës Supreme të Kosovës, Gyltene Sylejmani, Agim Salihu nga zyra ligjore e Komunës së Prishtinës dhe Agron Beka avokat, ku theksuan nevojën e publikimit të ligjeve në Kosovë dhe per ndihmën që do të ju ofroje kjo përmbledhje në punën e tyre.

QJK i falënderon shumë zyrtaret e institucioneve të Kosovës, dhe ekspertet e të drejtës pronësore që na ndihmuan në realizimin e këtij projekti.